«Біз- өмірдің гүліміз»
«Бала – жүректің миуасы» деп
қарайтын біздің қазақ халқы балаға
болашағым , деп игі зор үміт артады.Олай
болатын себебі, бала – отбасының басты қазығы, тірлік тірегі. Балалы үйдің
еңсесі биік. Өйткені бала- бақыт, бала қуаныш , бала -өмірдің гүлі. Ал,
болашағымызды қорғау баршамыздың міндетіміз.
Жаздың
бірінші айының бірінші күні балаларды қорғау күні.Осы мерекеге орай №2 облыстық
ғылыми әмбебап кітапханасының балалар бөлімінің ұйымдастыруымен «Біз өмірдің гүліміз» атты мерекелік іс-шара болып
өтті. Кітапхана басшысы Алма Жақсылыққызы балалар мен ата-аналарын құттықтады.
Осы мерекеге арнап бар өнерлерін көрсеткен
қаламыздағы «Алпамыс», «Золотой ключик» , «Раушан» , «Ақбота» балабақшасының
бүлдіршіндеріне жиналған жұрт сүйсіне қол соқты. Ойын ойнап ән салмай, өсер
бала болар ма? , дегендей кітапханамыздың тұрақты оқырмандары би билеп, Мырзағалиева Гауһардың сіңілісімен
қосылып айтқан әні мерекені қыздыра түсті. Осы іс-шараға белсене қатысқан
балалар мақтау қағаздарымен марапатталса , осындай өнерлі де , талантты бала
тәрбиелеп жүрген тәрбиешілер кітапхана басшылығының алғыс хатына ие
болды.Сонымен қатар Тәуелсіздіктің 25 жылдығына орай сәуір айында өткізілген «Сөз құдіреті» байқауының қорытындысы
нәтижесінде №6 және № 4 мектеп оқушыларына
осы мереке қарсаңында марапаттар мен сыйлықтар табысталды.
Өмірде
бала күлкісіндей мөлдір, бала қуанышындай таза еш нәрсе жоқ. Ендеше өмірдің
гүлі балаларымызға әр мерекеде қуаныш сыйлай білейік.
Комментариев нет:
Отправить комментарий